Со играч помалку, но со гол повеќе, младинската фудбалска репрезентација на Италија ги совлада врсниците од Македонија со 1:0.
Натпреварот беше решен во 34 минута кога по слободен удар изведен од Ндуро, левото крило Маријанучи прецизно го погоди голот на Василев.
За жал македонските млади фудбалери не ја искористија можноста дури 75 минути да имаат играч повеќе на стадионот под Тумбе Кафе, ниту пак поддршката од бројната битолска публика.
Тврдиот натпревар заврши и со 8 жолти картони кои оправдано на младите фудбалски надежи од Македонија и Италија им ги додели косовскиот судија Генц Нуза.
