Македонскиот ракометен шампион Металург вечерва во Бања Лука му гостува на Борац, а овој натпревар за нашиот тим е од голема важност бидејќи со победа Металург ќе ги задржи шансите за 6. место и со тоа учество на завршниот турнир во Веспрем.
Но, подмладениот тим на Металург за разлика од претходните сезони не е фаворит, особено што на последниот натпревар со Нексе поради повреди не настапија и младинските репрезентативци на Македонија Марко Нелоски и Филип Талески.
За тимот на Борац ова е секако шанса да се постигне нова победа и да ја избегне последната позиција на табелата.
Почетокот на натпреварот е во 20:55 часот.
Табела: Веспрем 51 бод, Вардар 42, ППД Загреб 33, Татран Прешов 30, Мешков Брест 30, Нексе 16, Металург 15, Војводина 10, Борац 7, Раднички 7.