Македонскиот вицепрвак Металург попладнево ќе гостува кај екипата на Мешков Брест во натпревар од регионалната ракометна СЕХА лига.
Тимот од Автокоманда во Белорусија отпатува со цел да му се реваншира на Мешков за минималниот пораз на првата меѓусебна пресметка во Скопје, кога Металург загуби со само еден гол разлика 25:24.
За разлика од Металург кој во досегашните десет одиграни натпревари забележа само две победи, тимот на Мешков со шест победи и два нерешени дуели е на високото четврто место на табелата кое носи учество на „фајнал-фор“.
Натпреварот Мешков Брест – Металург кој ќе започне во терминот од 17:30 часот по македонско време, е еден од двата натпревари денеска во СЕХА лигата. Во вториот денешен меч ќе играат Цеље и Нексе.
На средбите одиграни вчера, беа постигнати овие резултати:
Татран Прешов – Извиѓач 27:25,
Горење Велеље – ППД Загреб 27:26 и
Веспрем – Вардар 28:28.
Табела: Вардар 32 бода, Загреб 22, Веспрем 22, Мешков Брест 20, Цеље 18, Горење 12, Татран Прешов 10, Нексе 8, Металург 7 и Извиѓач 3.