По гостувањето во Веспрем каде македонскиот ракометен вицепрвак Металург претрпе пораз во таборот на нашиот клуб сите мисли се сега свртени кон следниот ривал и дуелот што во среда го игра на домашен терен против тимот на Загреб.
На денешната прес-конференција тренерот Лино Червар фаворитската улога ја препушти на хрватскиот тим.
– Загреб е фаворит, ние сакаме да прикажеме подобра игра од таа во саботата кога имавме грешки, промашени зицери и прерано се откажавме. Мора да се поправиме да играме за секоја топка, за секој гол. Кузмановски е подобар и мислам дека ќе игра на својата позиција и дека повредата е веќе минато, иако во Веспрем малку и ставувавме за неговиот настап, изјави Червар.
Репрезентативецот Стефан Дрогришки е со слично мислење.
– Мораме да направиме корекција на грешките од дуелот со Веспрем. Загреб е фаворит на дуелот, но ние иако сме млад тим имаме капацитет. Ова треба да биде одличен тест за нас.
Натпреварот Металург – Загреб се игра во среда во „ВИП Арена “ во СЦ „Борис Трајковски“ со почеток во 17:45 часот.