Капитенот на Аргентина, Лионел Меси, изјави дека победата над Англија во полуфиналето на Светското првенство е подарок за легендарниот Диего Марадона и верува дека неговиот славен сонародник „ужива таму горе“.
Актуелниот шампион, фудбалската репрезентација на Аргентина, синоќа се пласираше во финалето на Светското првенство, откако во полуфиналето во Атланта ја совлада Англија со 2:1 по голем пресврт.
Меси беше асистент за двата гола.
„Без сомнение, Диего неизмерно ужива во ова бидејќи овој ден беше многу посебен за него. Фактот што можевме да му ја пружиме оваа радост и да му овозможиме да ја доживее на свој начин од горе, навистина многу значи. Нека ужива, бидејќи ова е подарок и за него“, изјави Меси за аргентинскиот телевизиски канал „TyC Sports“.
По натпреварот во Атланта, на Меси му беше врачена реплика од дресот што го носеше Марадона за време на славниот натпревар и победата на Аргентина над Англија во четвртфиналето на Светското првенство во 1986 година.
Аргентина ќе ја брани титулата во финалето против европскиот шампион Шпанија, во недела во 21:00 часот во Њу Џерси.