Mercedes-Benz како опција во иднина ќе нуди светлечко лого, објави Авто плус.
Светлечката ѕвезда, како што се нарекува опцијата, всушност е LED технологија и работи само кога возилото е во мирување.
Амблемот светнува при отклучување и заклучување на автомобилот, како и кога некоја врата е отворена или кога моторот ќе сопре со работа. Во овие случаи ѕвездата свети во интервал од 15 секунди, а потоа како и светлата на возилото се исклучува.
Новата опција се нуди за M и GL-класа, а во следните месеци ќе биде достапна за C, CLS и E-класа.
За да може некои од овие модели да добие светлечко лого, тој мора да се нарача со спортската маска, која располага со ова лого на неа. Опцијата чини 300 евра.