Компанијата „Мерцедес“ ги објави најновите фотографии и ценовникот на луксузниот модел „Мајбах“ од „С“ класа.
Најевтиниот модел во Германија ќе чини од 134.000 евра.
Првиот модел на „Мерцедес“ со ознаката „Мајбах“ е нова продолжена лимузина од „С“ класа, која својата премиера ја имаше во ноември.
Освен луксузната опрема, „Мерцедес Мајбах“ од регуларната „С“ класа е подолга за 200 милиметри, така што вкупната должина на овој автомобил сега изнесува 5.453 молиметри, а меѓусовинското растојание дури 3.365 милиметри.
Патниците во задниот дел добија дополнителен простор за нозете, па затоа овој модел може да се мери со мал број сериски произведени лимузини кои не се дополнително продолжени.
„Мерцедес Мајбах“ од „С“ класа е проектиран, пред се, како возило што ќе го вози возач, додека сопственикот удобно ќе е навален на задното седиште.
За да ужива во едно вакво луксузно возило, купувачот ќе мора да издвои најмалку 134.053 евра за моделот „С 500“, додека најевтиниот „С 600“ ќе чини 187.841 евра.