Мерцедес на пазарот ќе понуди ограничена серија од новиот модел ГЛА под името Едишн 1, што ќе чини дополнителни 6.307 евра во однос на стандардниот модел.
Претходно Мерцедес претстави Едишн 1 серија од моделите А45 АМГ, ЦЛА45 АМГ и С Класа, а сега на ред е новиот компактен кросовер.
Мерцедес ГЛА Едишн 1 ќе биде достапен само во првите 12 месеци, почнувајќи од ноември 2013 година, а првите возила ќе бидат испорачани во март 2014 година.
Специјалната серија ќе има би-ксенон светла, ќе биде достапна во четири бои и ќе може да се бира меѓу пет видови на 19 инчни алуминиумски АМГ тркала.
Во однос на стандардниот модел, Едишн 1 серијата се разликува и по алуминимуските шини на покривот и двојните хромирани завршетоци на издувот.
Внатрешноста е обложена со кожа, а управувачот е зарамнет на долниот дел. Дополнителен естетски елемент во кабината даваат и деталите од алуминиум и педалите изработени од челик.