Словенечката скијачка Тина Мазе е победничка на слаломската трка возена денеска во Леви, Финска, во рамките на Светскиот скијачки куп.
За Мазе ова беше четврта слаломска победа во нејзината кариера.
Словенката по двете возења имаше најдобро време од 1:55,15 минути, а зад неа беше Швеѓанката Фрида Хансдотер со 34 стотинки заостанување. Покрај Мазе и Хансдотер место на подиумот избори и Австријката Кетрин Цетел, која зад победничката имаша послабо време за 52 стотинки.
По две трки во Светскиот куп, во генералниот пласман води Американката Микаела Шифрин со 124 бодови, втора е Цетел со 110, а трета е Мазе која има 109 бодови.
Светскиот куп продолжува утре, исто така во Леви кога на програмата е машката слаломска трка.