Поранешната тенисерка Мартина Навратилова го критикуваше Новак Ѓоковиќ откако тој одлучи да ја напушти Унијата на играчи и да основа свој независен синдикат што ќе се бори за правата на сите играчи.
Една од најдобрите тенисерки на сите времиња, а сега тениски аналитичар, не се согласува со српскиот тенисер.
„Тој смета дека ја прави вистинската работа. Не се согласувам со него, но тоа е негов избор. Сигурно не му помогна на неговиот тенис … Јас навистина не го разбирам тоа со него. Кога сте најдобри на светот, потребно е енергијата да оди на тоа, мора да му се посветите на спортот. Да се релаксирате, да гледате телевизија, да обработувате дрво или да плетете шалови. Но, формирање унија?“, изјави таа за „Ајриш тајмс“.
Според неа, таков став не помага во која било ситуација.
„Можете да го направите тоа кога ќе престанете да играте, но тоа е контроверзно во моментов и не помага. За време на пандемијата на коронавирусот, се обидувате да не разделите, се додека се обидувате да се обедините и да сфатите како да играте турнири без луѓе да се разболуваат и да умираат од коронавирусот. Ние мора да се држиме до тој проблем, а не да создаваме нови што не ни требаат“.