Натпреварот меѓу македонските екипи во регионалната ракометна СЕХА лига, Вардар и Металург ќе се одигра на 22. ноември во салата во СЦ „Јане Сандански” со почеток од 17 часот и 45 минути.
Тоа ќе биде втор меѓусебен дуел оваа сезона. На првиот меч одигран на почетокот на септември, Вардар победи со резултат 25:24.
Во моментов Вардар е лидер во СЕХА лигата со 9 победи од 10 натпревари, и вкупно 28 бода или девет бода повеќе од второпласираниот ППД Загреб.
Металург има далеку послаб биланс. Со само 4 бода и ефект од една победа еден нерешен резултат и шест порази, тимот од Автокоманда се наоѓа на 8.место.