Македонските репрезентативци од вечерва ги започнуваат подготовките за најважниот историски натпревар против Грузија во Тбилиси на 12 ноември, кој ќе одлучи дали Македонија за прв пат ќе оди на големото Европско првенство.
Добра вест за фудбалскиот стратег Ангеловски е тоа што ќе може да смета на сите репрезентативци освен на голманот Даниел Божиновски кој утринава поради позитивен тест на Ковид-19 отпадна од списокот против Грузија.
Селекторот Ангеловски уште денеска ќе ги има сите играчи на располагање пред првиот тренинг.
Се очекува на натпреварот да игра Горан Пандев, Несторовски и Елмас, додека Адеми треба да направи преглед за потоа да биде одлучено дали ќе настапи.