Ракометната репрезентација на Македонија со рутинска победа ги стартуваше квалификациите за ЕП 2022, триумфирајќи на мечот со Финска со убедливи 33-24.
Гостите парираа само петнаесетина минути, по што нашите ракометари создадоа удобна предност што рутински ја одржуваа до крајот. Брестовац им даде шанса на сите ракометари да се докажат во репрезентативниот дрес.
Кире Лазаров беше најдобар поединец на натпреварот со 11 погодоци, шест постигна Кузмановски, а по четири пати прецизни беа Маџовски и Пешевски. Македонија во сабота и гостува на Швајцарија во вториот дуел во битката за место на континенталниот собир во 2022 година.