Македонската фудбалска репрезентација не го промени својот пласман на најновата ранг листа на ФИФА објавена денеска. „Црвено-жолтите“ останаа на 138.место исто како и на јануарската листа.
Промени нема ниту во ТОП 10, каде прва е Белгија, пред Аргентина, Шпанија, Германија, Чиле, Бразил, Португалија, Колумбија, Англија и Австрија.
Од репрезентациите противници на Македонија во квалификациите за Светското првенство 2018 по Шпанија со најдобар рејтинг е Италија (15.место), Албанија е 36.та, Израел 73.ти, а најслабо пласиран е Лихтенштајн (165).
Следното рангирање ФИФА ќе го изврши на 3 март.