Тенисерките Катерина Маринковиќ и Магдалена Стоилковска не успеаја да и донесат на Македонија место во повисок ранг во Фед Купот, откако денеска ги загубија своите мечеви против Норвешка во плеј-офот за пласман во Втората Евро-африканска зона.
По овој резултат Македонија која во Улцињ настапуваше без најдобрата своја тенисерка Лина Ѓорческа, останува и догодина да игра во Третата зона од Фед Купот.
Победата на Норвешка и ја донесоа Мелани Стоке која беше подобра од Маринковиќ и Улрике Ејкери која триумфира над Стоилковска. На двата меча беше 2-0 во сетови.
И покрај денешниот поразот, Македонија со освојувањето на првото место во групата и трите победи над Ерменија, Република Ирска и над Исланд, може да биде задоволна од настапите на купот во Улцињ, Црна Гора.