Екипата на Мајами го совлада Торонто со 108:91, со што ја запиша 22-та победа во низа и на вечната листа се израмни со Хјустон.
Инаку апсолутниот рекорд на лигата е во сопственост на ЛА Лејкерс од времето кога беа предводени од Вилт Чемберлен – Лејкерси од ноември 1971 до јануари 1972 година забележале 33 победи во низа.
Мајами во Торонто ја запиша 51-та победа оваа сезона, екипата до триумфот ја предводеше Двејн Вејд со 24 поени и девет асистенции. Одличен натпревар одиграа и Леброн Џејмс (22 поени, 12 скокови, 8 асистенции), Реј Ален (20 поени), односно Крис Бош (18 поени). Руди Геј го предводеше Торонто со 27 поени и 8 скокови.