Шампионот Мајами на промоцијата на шампионската титула го победи Бостон со 120:107. Најдобри на теренот беа: Двејн Вејд со 29 поени и Леброн Џејмс со „дабл-дабл“ учинок 26 поени и 10 скокови.
Бостон во поразот го предводеше Режон Рондо (20 поени, 13 асистенции, 7 скока). Двоцифрен број на поени кај Селтикс постигнаа уште: Пол Пирс (23 поени, 5 скока, 5 асистенции), Леандро Барбоса (16 поени), Брендон Бес (15 поени, 11 скока) и Кортни Ли (11 поени).
Кливленд го совлада Вашингтон со 94:84 Кири Ирвинг со 29 поени го предводеше Кливленд, в о чии редови Андерсон Варежао имаше 23 скокови. Џордан Крафорд со 11, односно Емека Окафор со 10 поени беа најефикасни во редовите на Вашингтон.
Лос Анџелес Лејкерс по осумте порази во претсезоната продолжуваат со слабата игра, поразени се на гостувањето кај Далас со 99:91. Триото Коби Брајант, Двајт Хауард и По Гасол постигнаа 64 поени, но остатокот од тимот недоволно за победата на „езерџиите“.