Шампионот Мајами е првиот тим во НБА лигата што обезбеди плеј оф, откако ноќеска ја совлада Филаделфија. Со овој триумф шампионот ја продолжи победоносната серија – 17 во низа. Ова е рекордна бројка победи во историјата на Мајами.
Леброн Џејмс имаше 25 поени и 1о скокови, додека Двејн Вејд постигна 22 поена. За одбележување е тоа што Џејмс ја постигна и 1000-та тројка во кариерата.
Од ноќешните натпревари два завршија по продолжение, а победи славеа Бостон над Атланта и Лос Анџелес Лејкерс над Торонто.
Коби Брајант „уфрли“ 41 поен за славје на „езерџиите“.
Изненадени на домашен терен беа кошаркарите на Сан Антонио кои беа убедливо поразени од Портланд.
Резултати од ноќешните натпревари: Шарлот -Оклахома Сити 94:116, Орландо – Индијана 86:115, Бруклин – Вашингтон 95:78, Детроит – Далас 99:102, Кливленд – Мемфис 92:103, Бостон – Атланта 107:102 (продолжение), Мајами – Филаделфија 102:93, Чикаго – Јута 89:88, Сан Антонио – Портланд 106:136, Сакраменто – Феникс 121:112, Лос Анџелес Лејкерс – Торонто 118:116 и Голден Стејт – Хјустон 88:94.
Двојки за вечерва: Атланта – Бруклин, Њујорк – Јута, Вашингтон – Шарлот, Мемфис – Њу Орлеанс, Денвер – Минесота, Феникс – Хјустон и Голден Стејт – Милвоки.
Пласман Источна конференција: Мајами 46-14 (победи-порази), Индијана 39-23, Њујорк 37-22, Бруклин 36-26, Чикаго 35-27, Бостон 34-27, Атланта 34-27, Милвоки 30-29,…
Пласман Западна конференција: Сан Антонио 48-15, Оклахома Сити 46-16, Лос Анџелес Клиперс 44-20, Мемфис 41-19, Денвер 41-22, Голден Стејт 35-28, Хјустон 34-29, Јута 32-30,…