Во септември следната година ќе стартува новото натпреварување под закрила на УЕФА, Лигата на нациите на Европа преку кое четири репрезентации ќе обезбедат директен пласман на Европското првенство 2020.
Предвидено е во новото натпреварување да учествуваат сите 55 репрезентации, а термините на одигрување на натпреварите да бидат оние за пријателски средби.
Селекциите ќе бидат поделени во четири групи (лиги) 55 национални тимови, и ќе бидат поделени во четири лиги. А и Б лигата ќе има четири групи со по три репрезентации, Ц лигата 14 селекции, додека останатите ќе играат во Д-групата.
Местото на репрезентацијата во која лига ќе игра ќе зависи од рејтингот, најсилните ќе бидат во А, додека најслабите во Д лигата.
Победниците на групите ќе се пласираат во повисок ранг, а четирите најслаби пак ќе се симнат еден ранг подолу.
Првопласираните од сите 16 групи ќе играат во плеј-офот, а најдобрите четири од секоја лига обезбедуваат место на ЕП. Во случај некоја репрезентација преку квалификации да има изборено пласман на евро-шампионатот, тогаш следниот најдобро пласиран ќе го заземи неговото место.