Роберт Левандовски (37) за два месеци ја напушта Барселона, по четири години поминати во тој клуб.
Неговиот договор истекува и се знае дека бара нов работодавач.
„Газета дело Спорт“ објави дека агентот на полскиот голгетер дошол во Италија на преговори со Јувентус и Милан.
– Се очекува негова средба со раководството на Јувентус, а заинтересиран е и Милан. Бројот 9 ја напушта Барселона на крајот од сезоната и би бил идеално засилување за Јувентус, како поради неговите карактеристики, бидејќи Спалети сакаше играч како него во јануари, така и поради искуството што би можел да го донесе во тимот. Финансискиот аспект е важен, а не спореден, но доколку напаѓачот одлучи да се пресели во Италија, Јувентус би бил силна опција – пишува „Газета“.
Милан исто така го сака Левандовски.
Доколку Лука Модриќ одлучи да остане, а Левандовски му се придружи, Милан би бил во знакот на ветерани-легенди.
Полјакот постигна 17 гола на 40 настапи за Барселона оваа сезона. Вкупно, за четири години таму, на 187 натпревари, постигна 118 гола и асистираше на 23.