Кошаркарите на Лос Анџелес Лејкерс ја освоија Летната НБА лига откако ноќеска во финалето го победија Портланд со 110:98.
Победникот беше решен во третата четвртина кога Лејкерс го преземаа водството и предноста не ја испуштија до крајот на мечот.
Најдобар играч во победничката екипа беше Кајл Кузма со дабл-дабл ефект 30 поени и 10 скока. Тој беше прогласен и за МВП (најкорисен играч) на финалето.
Кај Портланд се истакна Келеб Шваниган со 25 поени, 12 скокови и 7 асистенции.
За МВП на целата Летна лига е прогласен Лонзо Бол.