ЛА Лејкерси го повлекоа дресот со бројот 34 кој Шекил О’Нил го носеше додека настапуваше за славниот НБА тим од Лос Анџелес. Оддавајќи му признание за се што има направено за нив, челниците на Лејкерси го повлекоа од употреба дресот на славниот центар.
Лејкерси церемонијата на која присуствуваше О’Нил ја направија на полувремето од синоќешниот дуел против Далас, кога неговото име се најде меѓу клупските великани Вилт Чембрлен, Карим Абдул – Џабар, Џери Вест, Елџин Бејлор, Гејл Гудриџ, Џамал Вилкс, Меџик Џонсон и Џејмс Ворти.
О’Нил се заблагодари на укажаната чест, а честитки доби од славниот тренер Фил Џексон и од големиот фан, холивудскиот великан Џек Николсон.