Леброн импресионира со моменталната форма во која се наоѓа и според многумина тој е најдобриот играч кој некогаш се појавил на НБА терените.
Но, во едно интервју кое го даде за НБА телевизијата, Мајкл Џордан, кој според сите добри познавачи на кошарката е далеку над сите кошаркари во историјата, изјави дека би го одбрал Коби Брајант пред Џејмс.
Кошаркарот на Мајами во текот на загревањето синоќа на мечот против Оклахома, даде свој коментар на оваа изјава.
„Мене тоа ништо не ми значи, едноставно не ме интересира. Коби пред мене, навистина не ми е битно. Не сакам да навлегувам во полемики кој од нас двајца е подобар. Се додека сум на теренот и им помагам на моите соиграчи, да постигнеме што е можно подобри резултати, другото навистина не е важно“, рекол Џејмс.