Капитенот на македонската ракометна репрезентација и член на Барселона, Кирил Лазаров, е избран за најдобар десен бек во светот за 2016 година според специјализираниот ракометен медиум „Handball-planet“.
Тој убедливо ја победи конкуренцијата и уште еднаш потврди дека долго трае и доминира во европскиот ракомет.
Лазаров доби повеќе гласови од Ласло Наџи, Кжиштоф Лијевски и Алекс Душебаев.
Во идеалниот тим покрај Лазаров се најдоа Уве Генсхајмер (ПСЖ), Микел Хансен (ПСЖ), Никола Карабатиќ (ПСЖ), Тобиас Рајхман (Киелце), Хулен Агинагалде (Киелце), Андреас Волф (Кил) и Виран Морос (Барселона).
Микел Хансен е прогласен за најдобар ракометар за 2016 година.