Ракометната федерација на Македонија доцна синоќа обелодени дека петмина од репрезентативниот табор имале позитивни резултатив на последното тестирање пред заминувањето на ЕП 2022, а неофицијално четворица од нив се ракометари, а дури двајца се голмани.
Позитивни на вчерашниот тест биле Никола Митревски, Марко Кизиќ, Гоце Ојлески, Михајло Младеновиќ и кондицискиот тренер Петар Баснарков.
Останува Мартин Томовски единствен здрав од тројцата чувари на мрежата кои беа повикани во декемвриските подготовки, па сега ќе мора да се бара замена од поширокиот список, со 35 ракометари. Опциите таму се Благојче Трајковски од Еурофарм Пелистер 2 и Градимир Чаневски од Бутел, кои не беа дел од тимот во овие две недели и потребно е исто така да имаат негативен тест за да отпатуваат за Дебрецен.
Македонија немаше ниту еден позитивен ракометар на сите тестирања наложени од ЕХФ, се до ова последното, пред поаѓањето на ЕП. Летот кон Дебрецен е закажан за денеска во 14.1.10, а првиот натпревар е в четврток од 18 часот, против Словенија.