Екипата на Куманово за прв пат во историјата на кошаркарскиот Куп на Македонија, е финалист, откако вечерва во неизвесниот натпревар успеа да го совлада Кожув со 87: 92.
Играчите на Луковиќ, губеа со 19 поени разлика, но во последните ја подобрија играта и направија целосен пресврт.
Најефикасни во победничкиот состав беа Александар Костовски со 28, Ивица Димчевски со 25 и Ентони Ли Инграм со 16 поени.
Во екипата од Кожув најмногу поени постигнаа Владимир Филиповиќ со 22 и Игор Мијаиловиќ со 13 поени.
Утре од 19 часот во СЦ „Борис Трајковски“ ќе се игра финалето, во кое кумановци ќе ги измерат силите со МЗТ.
Елена Георгиевска