Куќата на американскиот кошаркар Леброн Џејмс која се наоѓа во Лос Анџелес ноќеска беше мета на расист. На вратата на домот на ѕвездата на Кливленд беше напишано „црнчуги“.
– Во пресрет на големото финале од НБА лигата расизмот повторно се појави. Инцидентот покажува дека без оглед на славата што ја уживате, без оглед колку сте познат, тешко е да се биде црн во Америка. Ве навредуваат зад грб, а потоа ви се смеат во лице. Треба уште многу да се направи на ова поле, а ние Афроамериканците уште долго ќе чекаме да се чувствуваме еднакво со белите луѓе, изјави Џејмс.
Тој со неговиот Кливленд, во три часот по полноќ против Голден Стејт во Оукленд ја почнуваат одбраната на шампионскиот трофеј.