Напаѓачот на Јувентус, Кристијано Роналдо ги прекрши правилата на изолација по откривањето на коронавирусот во торинскиот клуб, за да ѝ се приклучи на португалската репрезентација, пишува „Ла Газета дело Спорт“.
Напаѓачот не се согласил да остане во хотелот неколку дена, бидејќи тоа ќе го спречело да игра за националниот тим на пријателскиот натпревар против Шпанија.
Тој го кренал гласот пред директорите на клубот и неговите соиграчи пред да ја напушти безбедната зона.
Здравствениот орган во Торино го пријавил настанот во локалната полиција. На играчот му се заканува административна казна до 1.000 евра.