Кошаркарите на Кожув вечер од 18 часот и 30 минути гостуваат во Тиват кај екипата на Теодо во натпревар од 3.коло на регионалната Балканска лига (БИБЛ).
Ова е натпревар од А групата во која денеска се игра и средбата Берое – Башкими.
Во групата Б, вчера се одигра натпреварот Сутјеска – Тирана во кој победа оствари тим од Никшиќ со 77:61.
Во оваа група утре во Кавадарци, екипата на Фени Индустри го пречекува составот на Трепча од Митровица (Косово).
Другите две македонски екипи во БИБЛ, Карпош Соколи и Куманово своите натпревари од 3.коло ќе ги играат на 29 октомври и 1 ноември.
Карпош Соколи ќе гостува кај Пеќ, а Куманово кај шампионот Сигал Приштина.