Кошаркарите на Милвоки и Оклахома се пласираа во финалето на НБА Купот.
Кошаркарите на Милвоки го победија тимот на Атланта вечерва во полуфиналето на НБА Купот во Лас Вегас со резултат 110:102. Во победничкиот тим се истакна Јанис Адетокумбо со 32 поени, 14 скока и девет асистенции. Демијан Лилард постигна 25 поени, а Брук Лопез постигна 16.
Во тимот од Атланта најефикасен беше Треј Јанг со 35 поени, 10 асистенции и седум скока.
Кошаркарите на Оклахома го совладаа Хјустон во полуфиналето на НБА купот со резултат 111:96. Шеј Гилгес-Александер беше најдобар кај Оклахома со 32 поени, осум скока и шест асистенции. Во тимот на Хјустон најефикасен беше Амен Томпсон со 19 поени.
Финалето на НБА Купот ќе се одигра на 18 декември во Лас Вегас.