Предводени од Леброн Џејмс, кошаркарите на Кливленд утринава ја забележаа втората победа во НБА финалето против Голден Стејт и поведоа со 2-1 во серијата прв до четири победи. Конечниот резултат е 96:91.
Ова беше првиот од трите дуели што треба да се играат во Кливленд, а доколку има потреба за шести или седми натпревар, тогаш екипите повторно ќе се вратат во Оукленд.
Во триумфот на Кливленд, Џејмс учествуваше со 40 поени, 12 скока и 8 асистенции.
Кај Голден Стејт најефикасен беше Стеф Кари со 27 поени.
Следниот дуел е закажан за ноќта четврток кон петок.