Во соработка со Институтот за трансфузиона медицина вчера вечер во салата на клубот КК Вардар организираше крводарителна акција. Во акцијата учествуваа сите структури на клубот (стручниот штаб, играчите, симпатизерите). Целта на „вардарци“ беше да се разбуди хуманоста во спортот и да се поттикне свеста кај спортистите активно да учествуваат во хуманитарни акции.
„Им се заблагодарувам на сите кои земаа учество во акцијата за доброволно дарување крв. Верувам дека акцијата помина успешно и дека помогнавме во промоцијата на крводарителството во спортот“ – истакна првиот тренер на „црвено-црните“ Бране Андриевски.
На оваа акција крв даруваа 38 крводарители, а 14 од нив беа кошаркари на КК Вардар.