Кошаркарите на Карпош Соколи го претрпеа и четвртиот пораз во АБА лигата откако во дуелот од 4. коло на домашен терен беа совладани од белградски Партизан со 84:77. Резултат по четвртини: 20:22; 21:20; 20:20 и 16:22.
Решавачка беше последната четвртина која гостите од Белград ја добија, а притоа Карпош Соколи единствено во тој период постигна помалку од 20 поени. На стартот на последната четвртина Партизан водеше со поен предост – 62:61.
Најефикасен на дуелот беше Вилијам Хатчер со 21 поен, додека кај Карпош Соколи Драган Зековиќ постигна 15.
Ова беше претпоследниот натпревар од 4. коло.
Карпош Соколи и МЗТ Скопје Аеродорм се единствените две екипи без победа, додека максимален учинок од четири победи имаат три екипи: Црвена Звезда, Будуќност и Партизан.