Македонската одбојкарска репрезентација денеска беше во просториите на Агенцијата за млади и спорт (АМС), но очигледно нашите сребрени момци не излегоа најсреќни од приемот, пишува Спортмедиа.
Еден од најискусните во репрезентацијата, Ѓоко Јосифов на својот фејсбук-профил објави порака полна со гнев откривајќи дека во АМС тие ги извадиле на маса сребрените медали, а како награда добиле само вива сокчиња.
„На денешниот прием во Агенцијата за млади и спорт, за најголемиот тимски успех во македонија и сребрените медали добивме награда вива сокови! Срамота невидена!“, напиша Јосифов.
Македонските одбојкари го освоија второто место во Европската лига.