Фудбалскиот сојуз на Швајцарија го продолжи договорот со селекторот на репрезентацијата Мурат Јакин до 2026 година. Сојузот со нов договор го награди Јакин за добриот резултат на Европското првенство во Германија каде Швајцарија играше во четврт-финалето, па тој ќе ја предводи селекцијата во квалификациите за СП 2026 година.
Швајцарската федерација соопшти дека во понеделник ќе ги соопшти деталите за продолжување на соработката со Јакин и неговиот помошник Џорџо Контини.
Јакин три години ја води репрезентацијата на Швајцарија, а се шпекулираше дека имало тензии во тимот за време на квалификациите за турнирот во Германија. Тој наводно бил контактиран од саудиски клуб.
Швајцарија постигна добри резултати во Германија, го заврши натпреварувањето без пораз, а беше елиминирана по изведувањето на пенали на натпреварот против Англија.
Швајцарија загуби еден од своите 19 натпревари под водство на Јакин откако загуби од Португалија со 1-6 во осминафиналето на Светското првенство во Катар 2022 година.