Словенечкиот кошаркар Јака Блажич го продолжи договорот со Цедевита Олимпија на уште две сезони, јавуваат локалните медиуми.
Искусниот бек и словенечки репрезентативец минатата сезона во АБА лигата постигнуваше по 15.1 поени, 5.6 скокови и 2.7 асистенции по натпревар, додека во Еврокупот 2019/20 година, 29-годишниот Словенец имаше просек од 9,8 поени, 4,0 скока и 2,4 асистенции по средба.
„Драго ми е што се договоривме да ја продолжиме соработката. Пред нас е нова сезона и нов предизвик и во неа влегуваме со реновиран состав. Верувам дека не очекува добра сезона со добри резултати,“ изјави Блажич.