Во актуелниов момент, кога повеќето автомобили имаат невозбудлив дизајн, „Јагуар“ со својот модел „F-Tupe Roadster“ внесува вистинско освежување во автоиндустријата.
Во оваа компанија за втората половина на 2013 година најавуваат и „Coupe“ верзија, која најверојатно својата премиера ќе треба да ја има во септември, на саемот на автомобили во Франкфурт.
„Јагуар“ на саемот на автомобили во Париз во 2012 година на публиката и го претстави новиот возбудлив модел „F-Tupe Roadster“.
Освен што автомобилот изгледа фантастично, инженерите дизајнираа и одличен звук на издувниот систем.
„Јагуар“ потврди и дека покрај сегашниот автоматски менувач, на купувачите на моделот „F-Tupe“ ќе им понуди и мануелен менувач, но оваа верзија не треба да се очекува пред 2014 година.
Во план е и мапирање на постојните погонски единици, што може да значи дека актуелните В6 и В8 мотори ќе бидат достапни со повеќе „коњи“ отколку што е тоа
сега случај.