Комесарот за натпревари при Ракометната федерација на Македонија денеска ги изрече казните за Металург за инцидентот на дуелот со Зомимак одигран на 14 април во „Автокоманда“ во рамките на 4. коло на Суперлигата.
Македонскиот шампион треба да плати 150 илјади денари, а претседателот на клубот и службено лице на Металург на тој натпревар Левче Китевски доби казна од 51 илјада денари.
Казните се изречени поради тоа што во второто полувреме од натпреварот, на терен влегоа навивачи на Металург.
Поради неправилности на мечот против Прилеп, од истото коло, со 10 илјади денари казнет е и Радовиш.
Незадоволните странки имаат право на жалба во рок од осум дена од објавувањето на одлуката.