Триесет колекционери од повеќе градови од Македонија денеска на изложбата на олдтајмери во Кавадарци ги претставија своите автомобили.
Главниот организатор на манифестацијата кавадарчанецот Мите Ташев истакна дека е задоволен од одѕивот на изложбата што ја организира веќе четврта година.
Годинава, како што рече, времето не ни е сојузник, но денеска имаме голема посета.
– Ова е показател дека олдтајмерите кај нас се омилени и за нив се обрнува големо внимание за да бидат речиси нови и во возна состојба. Оваа голема посета зборува дека луѓето се интересираат какви биле некогаш љубимците на четири тркала. Овие возила од пред 30 и повеќе години и сега можат да се вклучат во сообраќајот што ги прави достојни за сите времиња, рече Ташев.