Претседателот на Република Македонија Ѓорге Иванов денеска ќе ги прими членовите на младинската ракометна репрезентација на Република Македонија, по повод освоеното 6 место на Светското првенство за ракометари до 21 година.
На ракометното првенство коешто се одржа во Алжир, македонската младинска репрезентација беше во групата Ц заедно со репрезентациите на Шпанија, Тунис, Русија, Бразил и Буркина Фасо.
Нашите млади ракометари одиграа и четвртфинален натпревар против Франција, кој го загубија, и потоа играа за пласман од петтото до осмото место на шампионатот. Прв противник беше Русија која ја совладавме по втор пат, а во натпреварот за петто место бевме поразени од Унгарија. Освоеното шестото место во светот е досега најдобар пласман што го остварила било која македонска репрезентација на светските првенства.
Селектор на младинската ракометна репрезентација на Македонија е Илија Темелковски, а капитен на тимот е Филип Талески, играч на германскиот тим Рајн Некар Левен.