Фудбалерот од средниот ред на Реал Мадрид, Иско може да го напушти клубот, а причината за тоа е затегнатите односи што 26-годишниот Шпанец ги има со тренерот Сантијаго Солари.
Играчот одби да се ракува со тренерот по поразот во натпреварот од 13-тиот круг од шампионатот во Шпанија против Еибар (0:3).
Иско го бараат голем број европски клубови: Јувентус, Наполи и Манчестер Сити. Неговата вредност на трансфер пазарот се проценува на 90 милиони евра.
Во тековната сезона Иско одигра 13 натпревари за Реал, постигна два гола и оствари исто толку асистенции.