Претседателот на ФИФА, Џани Инфантино, има намера да го зголеми бројот на учесници на Светското клупско првенство од седум на 32 екипи.
Намерата на Џани Инфантино е и да го смени терминот на одигрување на овие натпревари, наместо во декември клупскиот Мундијал да се игра во јуни.
„Сегашниот систем со седум клубови треба да биде сменет. Светот се менува, мораме клупското СП да го направиме поинтересно, како за клубовите така и за навивачите низ целиот свет“, рекол Инфантино.
„Колку е напорно да се патува и да се менуваат временските зони поради еден или два натпревара. Мислам дека формулата со 32 екипи е добар предлог“, прецизирал.
Предлогот на Инфантино е клупскиот Мундијал да се игра од 10. до 30. јуни.