Официјалниот претставник на Европската агенција за лекови (ЕМА) Марко Кавалери го потврди постоењето на врска помеѓу вакцината „Астразенека“ и случаите на тромбоза.
„Сега можеме да кажеме, јасно е дека постои поврзаност со вакцината. Што ја предизвикува оваа реакција, сепак, сè уште не знаеме. Во следните неколку часа ќе кажеме дека има врска, но сепак мора да разбереме како се случува тоа“, изјави Кавалери за италијанскиот дневен весник „Месаџеро“.
ЕМА досега тврдеше дека не е докажана врска со вакцината иако е можна, како и дека придобивките од вакцинацијата против коронавирус ги надминуваат ризиците.
Повеќе земји престанаа да вакцинираат со „Астра Зенека“, додека производителот на вакцини во март рече дека нема докази за зголемен ризик.