Општина Чешиново-Облешево традиционално по 45. пат организира „ Илинденски спортски игри – Чешиново 2017“, манифестација на која традиционално се застапени турнири во фудбал и шах.
– Самата манифестација е една од најстарите во регионот и пошироко која трае еден месец, а се одржува на спортските терени во населеното место Чешиново. Низ годините минати на Илинденските спортски игри настапиле и над 30 екипи од регионот и пошироко, кои покажале врвни спортски резултати, спортска игра и дружење, изјави Катерина Постолова од општина Чешиново-Облешево.
Истакна дека годинава игрите ќе се одржат од 2 јули до 2 август, а првенствено учествуваат екипи од месните заедници од источниот дел на Македонија.
Покровител на игрите е општина Чешиново-Облешево.
Постолова нагласи дека во тек е пријавувањето на екипите, за што интересот е голем.