„Гласав за Иниеста, бидејќи тој е фудбалерот кој го освои европското првенство, а врши неверојатно добра работа во тимот на Барселона
Капитенот на шведската репрезентација Златан Ибрахимовиќ смета дека Андрес Иниеста е фудбалерот кој заслужува да ја освои наградата „Златна топка“ која секоја година ја доделува светската федерација ФИФА. „Гласав за Иниеста, бидејќи тој е фудбалерот кој го освои европското првенство, а врши неверојатно добра работа во тимот на Барселона. Сакам тој да ја освои наградата“, рече Ибрахимовиќ, кој сепак е свесен дека Лионел Меси е прв фаворит за оваа награда. „Знам дека Меси е фаворит. На индивидуално ниво тој е најдобриот фудбалер во светот, но тој не е единствениот фудбалер во Барселона. Што треба да се направи за да се освои наградата? Челзи е европски првак, а меѓу тројцата фаворити нема ниту еден играч од лондонскиот тим. За Меси велат дека игра како на Плејстејшн. Иниеста го освои ЕП, а Роналдо стана првак на Шпанија. Не знам какви се калкулациите при гласањето“, заврши популарниот Ибра.
Во конкуренција за наградата се Меси, Иниеста и Роналдо, а најдобриот ќе биде прогласен на 7 јануари.