„БМВ“ од американскиот пазар под итно ќе повлече 956 модели од линиите „М5“ и „М6“, бидејќи двете „ѕверки“ имаат проблеми со коленестото вратило.
Инспекцијата утврдила дека имало неправилности во процесот на заварување, заради што на оделни возила постојат фрактури на вратилото и потенцијални проблеми со преносот на силата на задните тркала.
Истиот проблем може да доведе и до тоа автомобилот паркиран на надолнина да „отиде“, без разлика на кренатата паркирна запирачка.
Повлекувањето на моделите треба да почне деновиве, сервисот нема да биде едноставен, а за сопствениците на возилата „БМВ“ до почетокот на септември ќе осмисли некаква програма за компензација, но и „премостување“на периодот без возило.