Хрватска со пресврт ја победи Шпанија

Од:

Репрезентацијата на Хрватска синоќа во Бордо, во натпревар од 3.коло од групната фаза со пресврт славеше победа над актуелниот шампион Шпанија со 2:1 и го освои 1.место во Д групата на Европското првенство во Франција.

Хрватска настапи со подмладен состав, а тоа шпанските фудбалери го искористија уште во 7.минута кога поведа со голот на Алваро Мората. Сепак Хрватите не се предадоа. Никола Калиниќ во 45.минута израмни на 1:1, а победата на „коцкестите“ ја обезбеди Иван Перишиќ во 87.минута. Претходно, Серхио Рамос во 72.минута не реализира пенал за Шпанија.

Во вториот натпревар од оваа група Турција со 2:0 ја победи Чешка и со освоените бодови, остана во игра за пласман во осминафиналето.

Табела:

1.Хрватска 7
2.Шпанија 6
3.Турција 3
4.Чешка 1

Турците како и Северна Ирска и Албанија кои завршија како трето рангирани имаат по 3 бодови, но во мини табелата меѓу овие селекции, најслабо рангирана е Албанија, која сега ќе ги очекува исходите од денешните натпревари.

Денеска на ЕУРО 2016 ќе се играат средбите од последното 3.коло во Е и Д групите, по кои ќе бидат познати сите селекции кои ќе играат во осминафиналето.

Би можело да ве интересира

Тешка сообраќајка во Сплит, повредени се пет деца

Хрватите следната недела ќе ги бојкотираат банките и телекомуникациските компании

Доставувач на Волт врши нужда во ходникот на зграда во Хрватска

Предраг Петровиќ

85 училишта во Хрватска добија исламистички закани, во истрагата се вклучи и Европол

Конечна пресуда: Иво Санадер не е воен профитер

Евакуација на училишта во Хрватска, добиле закани за бомби