Венди Холденер од Швајцарија го освои златниот медал, во женската комбинација на Светското првенство што се одржува во швајцарскиот ски-ценар во Сент Мориц.
Таа, во првата трка во спуст оствари седми резулат, но со освоеното второ место во слаломската трка, на крајот сосема заслужено се закити со златото.
Второто место и сребрениот медат го освои нејзината сонародничка Мишел Жисин, додека Михаела Киргашер од Австрија беше трета и се закити со бронзата. Киргашер имаше најдобар резултат во втората трка (слалом), но по првата трка (спуст) беше пласирана на 11.место. Водечката од спустот Софија Гоџиа од Италија не ја заврши слаломската трка.
Утре, на петиот ден од шампионатот, на програмата е спуст трката во машка конкуренција.