Хјундаи го покажа изгледот на својот концепт ХНД-9, кој ќе биде претставен на Саемот на автомобили во Сеул на 28 март.
ХНД-9 е деветиот концепт развиен од Центарот во Намјанг во Јужна Кореја.
Концептот го најавува дизајнот на новата генерација луксузни спортски купе модели на компанијата. Моделот ХНД-9 има „пеперутка“ врати, шесткрака предна маска и каросериски линии со спирален облик кои водат до предните светла.
Хјундаи ХНД-9 е придвижуван од 3,3 литарски ГДи мотор со турбиполнач, што испорачува 370 коњски сили преку осумстепен автматски менувач на задната оска.