Лидерот во тековната сезона од Шампионатот во Формула 1, Луис Хамилтон изрази голема желба да победи на претстојната трка за Големата награда на Шпанија.
– Никогаш не сум победил во Барселона и посакувам тоа да го сторам викендов. Имам одлично подготвен болид, во добра форма сум и верувам дека ќе успеам во намерата. Според мене главен конкурент за највисокото место на пиедесталот ми е Фернандо Алонсо и очекувам интересна борба со него, рече британскиот возач од тимот на Мерцедес.
Главната трка на патеката во каталонскиот центар ќе се вози в недела.
На досега одржаните четири трки, три победи забележа Луис Хамилтон, а само на првата најбрз беше Нико Розберг.